වදන් සැකසුම් මෘදුකාංග

වදන් සැකසුමක් යනු  බොහෝ විට අමතර විශේෂාංග සහිතව පෙළ (Text) ආදානය, සංස්කරණය, ආකෘතිකරණය සහ ප්‍රතිදානය සඳහා අවස්ථාව සපයන උපාංගයක් හෝ පරිගණක වැඩසටහනකි.

පෙළ සංස්කාරක (Text Editor) හා වදන් සැකසුම් (Word Processing) මෘදුකාංග අතර ඇති වෙනස

Text කොටස්  ලිවීම සහ සංස්කරණය කිරීම සඳහා පමණක් Text Editor එකක්  භාවිතා කරයි. ඔබට පිටපත් කිරීම(Copy), කැපීම(Cut), ඇලවීම(Paste), අහෝසි කිරීම(Undo) සහ නැවත කිරීම(Redo) කළ හැකිය. උදාහරණ ලෙස Notepad සහ Wordpad ගත හැකිය.

නමුත් වදන් සැකසුම් මඟින් පෙළ ආකෘතිකරණය (Text Formatting - ඇල අකුරු, තද, යටි ඉරි, ආදිය) වැනි වෙනත් ක්‍රියාකාරීත්වයන්ට අමතරව පෙළ සංස්කරණය කිරීමට ඔබට ඉඩ සලසයි. එම වචන සකසනයට අමතරව ස්වයංක්‍රීය අක්ෂර වින්‍යාසය සහ ව්‍යාකරණ පරීක්‍ෂා කිරීමට ඉඩ ලබා දේ.

මයික්‍රොසොෆ්ට් ඔෆිස් වර්ඩ් 2013

මයික්‍රොසොෆ්ට් වර්ඩ් 2013 යනු වදන් සැකසුම් මෘදුකාංගයකි. එය ලිපි ,වාර්තා , අත් පත්‍රිකා, දැන්වීම් ආදිය නිර්මාණය සඳහා යොදා ගත හැකි වෘත්තීමය යෙදවුම්  මෘදුකාංගයකි.

මයික්‍රොසොෆ්ට් වර්ඩ් මගින් ලේඛන නිර්මාණය සදහා සැපයෙන පහසුකම් 

ලේඛන ටයිප් කිරීම
පින්තූර වැනි වස්තු ඇතුළු කිරීම
ලේඛන සුරැකීම සහ විවෘත කිරීම
අක්ෂර වින්‍යාසය සහ ව්‍යාකරණ පරීක්ෂා කිරීම
වදන් සෙවීම හා  ප්‍රතිස්ථාපනය කිරීම
ලේඛන මුද්‍රණය කිරීම
ඒකාබද්ධ තැපෑල  භාවිත කිරීම

විකල්ප වදන් සැකසුම්  මෘදුකාංග

මයික්‍රොසොෆ්ට් වර්ඩ් යනු වඩාත්ම ජනප්‍රිය වචන සකසනය වුවද, වෙනත් විකල්ප තිබේ.

• Abiword
• Apple iWork
• Corel WordPerfect.
• Google Docs
• LibreOffice Writer
• OpenOffice Writer

MS Word හි විවිධ අනුවාදයන්

ඔබේ අවශ්‍යතා අනුව නිෂ්පාදනයේ විවිධ අනුවාදයන් ඇති අතර, සෑම අනුවාදයකටම එකම යෙදුම් සහ හැකියාවන් නොමැත. අනුවාදය නිෂ්පාදනයේ අනුවාද අංකයට යොමු වේ. උදාහරණ ලෙස Microsoft Word 2003 , Microsoft Word 2007,Microsoft Word 2010,Microsoft Word 2013 හැකිය.